Ka dalë nga gjendja e komës djaloshi 14 vjecar francez i cili u godit nga një rrufe të enjten e kaluar, ndërkohë që ndodhej për vizitë në Kraterin e Vezuvit, bashkë me nënën dhe motrën. 14-vjecari ishte shtruar në qendrën e reanimacionit të spitalit San Leaonardo di Castellammare di Stabia në Napoli. Falë moshës së tij, kurave intensive dhe frymëmarrjes artificiale me mbështetje neurale, pacienti, sipas doktorëve tashmë është në gjendje të qëndrueshme dhe mundet të bashkëbisedojë me të ëmën.
