Spanja ka regjistruar numrin më të ulët të infeksioneve të reja në pothuajse tre muaj, me 96 raste të reja të raportuara të dielën. Vetëm dy vdekje janë regjistruar.
Në krahasim me të, Mbretëria e Bashkuar regjistroi 1.936 raste të reja të konfirmuara dhe 113 vdekje sot. Në Itali numrat ishin 355 infeksione dhe 75 vdekje.
Shifrat e Spanjës janë një rënie masive nga fillimi i prillit, kur vendi regjistroi 950 vdekje dhe disa mijëra raste të reja në një ditë të vetme.
Vendi tashmë ka filluar të lehtësojë kufizimet e tij të izolimit, të cilat ishin ndër më të rreptat në Evropë. Por qeveria mbetet e kujdesshme dhe kryeministri ka kërkuar një zgjatje dy-javore në gjendjen e jashtëzakonshme.
Më shumë se 27,000 njerëz kanë vdekur në Spanjë që nga fillimi i pandemisë dhe janë regjistruar rreth 240,000 raste.
