Ministri francez i arsimit, Jean-Michel Blanquer, i ka thënë BBC-së se fëmijët e varfër nuk po kthehen në shkollë po aq sa ata të familjeve më të pasura. Ai tha se rihapja e shkollave ishte një “emergjencë sociale” dhe se bllokimi ishte rritur pabarazinë në Francë. Por deri më tani, vetëm 20% e nxënësve të shkollave fillore janë kthyer. “Është e vërtetë që fëmijët e familjeve të varfëra vijnë më pak se të tjerët”, tha z. Blanquer. “Kjo është arsyeja pse ishte e rëndësishme të fillohej në maj dhe jo në qershor, sepse ne e dimë se është [një] proces [hap pas hapi].”
Javën e kaluar, Franca rihapi 40,000 shkolla fillore dhe çerdhe dhe nxënësit u kthyen në disa shkolla të mesme të hënën. Është një proces vullnetar deri më tani – një vendim i kritikuar nga një kryetar i bashkisë, i cili tha se ky process po i bënte gjërat më të vështira për prindërit: “Nëse ata i dërgojnë [fëmijët e tyre] në shkollë dhe sëmuren, ata do të ndjehen fajtorë; nëse i mbajnë në shtëpi dhe ata ngelin prapa, ata përsëri do të ndjehen fajtorë. Nëse qeverisni, duhet të merrni vendimin. ” Ministria e arsimit ka lëshuar 56 faqe udhëzime të hollësishme për shkollat se si t’i mbajnë ambientet e pastra dhe nxënësit të sigurt, me shpresën e ndërtimit të besimit me prindërit.
Nuk duhet të ketë më shumë se 15 fëmijë në një klasë, nuk ka lodra të përbashkëta dhe mbërritjet në shkollë duhet të përcaktohen me kohë. Fëmijët më të mëdhenj gjithashtu duhet të mbajnë maska.
