Nga Claire Provost
Gratë janë në vijat e para të frontit në luftën kundër pandemisë së koronavirusit në gjithë të botën.
Në nivel global, shumica e punonjësve shëndetësorë janë gra. Ato gjithashtu bëjnë pjesën më të madhe të punës për kujdesin e papaguar në botë – madje edhe në “kohë normale” – duke u kujdesur për të afërmit dhe duke i ndihmuar ata. E megjithatë, të drejtat e këtyre grave po vihen nën sulme historike edhe tani.
Në SHBA shtetet konservatore nga Teksasi në Indiana tani ndalojnë shumicën e aborteve gjatë pandemisë. Duke i klasifikuar si “jo thelbësore”, ata po argumentojnë se abortet mund të vonohen, në mënyrë që të gjithë mjekët të përqendrohen së pari në COVID-19.
Përtej Atlantikut, në Poloni, një projekt-ligj për kufizimin e mëtejshëm të abortit është ringjallur dhe do të dëgjohet në Parlament javën e ardhshme. Kur kjo ndodhi për herë të parë, në vitin 2016, u prit me protesta masive – të cilat aktualisht janë të ndaluara nën masat emergjente të koronavirusit.
A janë qeveritë dhe grupet e fushatës kundër abortit duke përfituar nga kriza për të kufizuar më tej të drejtat e grave?
Nuk do të ishte hera e parë. Në të gjithë botën, lëvizjet e organizuara ultra-konservatore janë në kërkim të mënyrave për ta përdorur këtë moment për të arritur atë që donin gjithmonë; që gratë të kenë më pak të drejta mbi trupin e tyre.
Abortet sipas përcaktimit janë procedura të ndjeshme ndaj kohës. Tani spitalet po merren me koronavirusin dhe kjo qasje është gjithnjë e më e pamundur. Si rezultat, gratë po detyrohen të durojnë shtatzënitë e padëshiruara për më gjatë dhe të bëjnë operacione që nuk dëshirojnë pasi abortet mjekësore janë pezulluar kryesisht.
Rregulla të tilla ndryshojnë përtej kufijve, por efekti i tyre është i njëjtë.
Sot, të drejtat riprodhuese të grave po mënjanohen përsëri. Nga ana e saj, Organizata Botërore e Shëndetit (OBSH) ka lëshuar udhëzime në lidhje me dhunën në familje, lindjen e fëmijëve dhe ushqyerjen me gji në mesin e COVID-19.
Por deri më tani, ajo ka qenë dukshëm e heshtur për abortin e sigurt gjatë pandemisë.
Në të vërtetë, gjatë krizave ndryshimi mund të ndodhë shumë shpejt. Mosbesimi toksik ndaj grave mund të krijojë një kuptim të ri të përbashkët që i jep përparësi të drejtave dhe shëndetit mbi politikën. Dhe ata që kishin frikë nga autonomia e grave mund të mos e shohin aq të frikshme tani që ata kanë dëshmuar diçka shumë më të frikshme – një pandemi historike që kërcënon jetën, sistemet shëndetësore dhe demokracitë në të gjithë botën.
