Shikoni me kujdes letrat, udhëhiquni nga intuita juaj dhe zgjidhni letrën tuaj të preferuar. Vetëm në atë letër ka një mesazh që shpresojmë se do të jetë frymëzues për këtë moment të jetës suaj.
Nëse keni zgjedhur:
Letra nr. 1
Eshtë e qartë se nuk mund të zgjedhim secilën prej situatave që ndodhin në ditët tona, por sigurisht që gjithmonë mund të zgjedhim se si të reagojmë ndaj tyre.
Ka ndjenja që ju kufizojnë, si zemërimi, inati ose dëshpërimi, dhe ka ndjenja si optimizmi, dashuria dhe besimi që ju bëjnë një person më të mirë dhe ju shtyjnë përpara.
Në fund të fundit, vendimi mbi ndjenjat me të cilat dëshironi të jetoni dhe qëndrimet që do të mbani përballë ngjarjeve të jetës, është vetëm i juaji, por gjithmonë mos harroni se ju tërhiqni atë që jeni.
Letra nr. 2
Si ndiheni tani? Si do të dëshironit të ndjeheshit? Mendja juaj është si një ekran i madh kinemaje, ku projektoni mendimet tuaja. Gjëja me të vërtetë e mrekullueshme është se ato mendime që ju projektoni, do të gjejnë gjithmonë një mënyrë për t’u manifestuar në botën e vërtetë.
Nëse mendimet tuaja janë pozitive, shumëzojini ato dhe çdo ditë para se të shkoni në shtrat, rishikoni secilën nga gjërat e mira që kanë ndodhur në ditën tuaj dhe jini falënderues për to.
Nëse përkundrazi, ka pasur një situatë të trishtuar ose që keni dashur të ndodhë në një mënyrë tjetër, vendoseni përsëri në mendjen tuaj, por me dashuri dhe pozitivizëm imagjinoni atë në mënyrën si do të dëshironit të kishte ndodhur.
Letra nr. 3
Kjo letër hyn në jetën tuaj për t’ju kujtuar se të qenit të lumtur është një zgjedhje që duhet të bëni çdo ditë të jetës, e cila nuk varet nga rrethanat përreth jush, por nga të kuptuarit që, ndonëse ka situata që nuk mund t’i ndryshoni absolutisht, gjithmonë do të keni mundësi për t’i përjetuar ato në një mënyrë tjetër.
Eshtë koha juaj të jeni të lumtur, dhe nëse e mendoni kështu, është koha të ndryshoni mënyrën si shihni disa gjëra. Duke menduar se në jetën tuaj nuk ka probleme, por sfida, se nuk flisni kurrë për krizë por për mundësi, që në jetën tuaj zhgënjimi duhet zëvendësuar me besimin. Se çdo ditë e re do të jetë më e mirë se ajo e mëparshmja dhe që, edhe pse jeta juaj është e mrekullueshme këtu dhe tani, më e mira ende nuk ka ardhur. / meb.al
