Donald Trump ka thënë se samiti i tij me Kim Jong-un të vazhdojë ende siç ishte planifikuar, gjë që shënon edhe një ndryshim dramatik tjetër për presidentin e SHBA-s, i cili vetëm një ditë më parë anuloi takimin me anë të një letre drejtuar kreut të Koresë së Veriut.
“Ne do të shohim se çfarë do të ndodhi,” u tha Trump gazetarëve në Shtëpinë e Bardhë të premten, duke shtuar se administrata e tij ishte në bisedime me Phenianin dhe samiti mundet ende të zhvillohej në datën e caktuar që në fillim, të 12 qershorit.
“Ata duan shumë ta bëjnë këtë. Ne thjesht do të donim ta bënim atë, “shtoi ai.
I pyetur nëse Koreja e Veriut po luante lojëra, Trump u përgjigj: “Të gjithë luajnë lojëra”.
Komentet e presidentit erdhën pasi Koreja e Veriut tha se ishte ende e gatshme të përfshihej në bisedime të drejtpërdrejta, duke e quajtur samitin e planifikuar midis Trump dhe Kim “jashtëzakonisht të nevojshëm”.
“Ne shprehim gatishmërinë tonë për t’u ulur ballë për ballë me SHBA-të dhe për të zgjidhur çështjet në çdo kohë dhe me çdo kusht,” tha në një deklaratë ministri i jashtëm e Koresë së Veriut, Kim Kye-gëan. “Angazhimi ynë për të bërë më të mirën tonë, për hir të paqes dhe stabilitetit për botën dhe Gadishullin Korean, mbetet i pandryshuar, dhe ne jemi të gatshëm për t’u dhënë kohë dhe mundësi për SHBA-së”.
Paraditen e të premtes, Trump e mirëpriti deklaratën dhe e cilësoi atënsi “të ngrohtë dhe produktive”.
“Ne së shpejti do të shohim se ku do të na çojë, shpresojmë se do të ketë një jetë të gjatë e të qëndrueshme, dhe të sjelli paqe sigurisht”, ka shkruar ai Tëeeter.
Përgjigja e Koresë së Veriut kësaj rradhe nuk ishte aq e dashur dhe dukej qartas përpjekja për t’i hedhur fajin Trumpit, për takimin e dështuar në SHBA. Ajo ka punuar vazhdimisht për të portretizuar veten si nxitëse të përparimit në marrëdhënien që ka qenë armiqësore për më shumë se gjashtë dekada. Kim Jong-un ka krijuar një imazhin e një ‘burri shteti‘ dhe të përgjegjshëm, kundër një Trumpi të çrregullt.
“Gjatë gjithë kësaj kohe ne kemi ndenjur në heshtje, duke i dhënë kështu Presidentit Trump shenja dhe duke i kërkuar atij të marrë një vendim që asnjë president tjetër amerikan nuk kishte guximin të ndjekë”, tha Kim Kye-gëan.
Trump papritmas hoqi dorë nga takimi i nivelit të lartë – i cili ishte vendosur të zhvillohej në Singapor – të enjten, duke fajësuar “zemërimin e madh dhe armiqësinë e hapur” në deklaratat e fundit të Koresë së Veriut. Por Pyongyang tha se “anulimi i njëanshëm i samitit nga Trump ishte i papritur ” dhe se atyre ju vinte shumë keq për këtë.
Zyrtarët amerikanë u ankuan gjithashtu se koreano-veriorët nuk u paraqitën në takimet përgatitore dhe nuk iu përgjigjën thirrjeve.
Aleatët amerikanë në Azi u shokuan nga anulimi i Trump. Presidenti i Koresë së Jugut, Moon Jae-in, thirri një takim urgjent pak para kohës lokale të mesnatës, duke thënë: “Unë jam shumë i hutuar dhe mendoj se është shumë keq që samiti i Koresë së Veriut nuk do të mbahet.
Ministri i Jashtëm i Japonisë, Taro Kono, tha se ishte “e pakuptimtë të mbahej një samit, nëse do të dihej se nuk do të sillte progres”, por shtoi se ai do të vazhdojë të mbështesë idenë e një takimi të Trump-Kim në një datë të mëvonshme.
“Gjëja e rëndësishme nuk është takimi vetë, por fakti që ka mundësi për të shkuar drejt zgjidhjes së çështjeve bërthamore dhe raketave”, u tha gazetarëve sekretari i kabinetit të kryeministrit, Yoshihide Suga.
John Tierney, drejtor ekzekutiv i Qendrës për Kontrollin e Armëve tha “Rregulli i parë i diplomacisë është që gjithmonë të konsultohet me aleatët e huaj, por aleatët tanë kryesorë në rajon u përpoqën të dilnin nga lëvizja. Presidenti Trump mund të fajësojë retorikën armiqësore të Koresë së Veriut për vendimin e tij, por realiteti është se administrata e Trump nuk kishte një strategji konkrete dhe të unifikuar diplomatike që nga fillimi “.
Jim Mattis, sekretari i mbrojtjes i SHBA, u tha gazetarëve se diplomatët po punonin për ta drejtuar samitin përsëri në rrugën e duhur dhe tha se mund të ketë “ndoshta një lajm të mirë”.
Sidoqoftë, ekspertët e sigurisë kombëtare mbetën të habitur nga mesazhet e përziera që dilnin nga Shtëpia e Bardhë, gjë e cila, disa argumentuan se, do te dëmtoje bisedimet./The Guardian-Bota.al
