Kjo është një pjesë e pashmangshme e drejtimit të një kompanie apo institucioni. Ja disa këshilla që duhen ndjekur për të shmangur andrallat
Nga Alix Stuart
Të ngresh një sipërmarrje është e vështirë, por gjithçka bëhet edhe më e vështirë, kur ju duhet të bëni gjëra të urryera – duke njoftuar pushime nga puna, ulur rrogat, munguar tek lojërat e fëmijëve tuaj në shkollë – dukuri këto që ndjekin çdo themelues biznesi. Bizneset e reja ju detyrojnë të vendosni mes suksesit dhe reputacionin tuaj në rrethin e miqve dhe familjes. “Ne mësohemi me këtë gjë, kështu që ecim përmes saj ose do të dështojmë, duke u përpjekur të jemi të këndshëm”- thotë këshilltarja e biznesit Beth Buelow. Shanset më të mëdha, janë që ju nuk do t’i bëni kurrë të gjithë të lumtur, por ka disa gjëra që ju mund të bëni për të minimizuar dhimbjen.
1. Ji bashkëpunues dhe transparent
Nëse ke një telefonatë të vështirë, plas “bombën” dhe largohesh, kjo e përkeqëson më tej situatën. “Nëse ju thoni vetëm: “Ky është lajmi; merruni me të”, njerëzit do të mbushin boshllëkun që ju i jepni me lajmet që ata duan të bëjnë” – thotë Peter Shalard, një psikoterapist i specializuar mbi sipërmarrësit. Në vend të kësaj, ju në mënyrë aktive ndani arsyetimin tuaj. Problemet e rrjedhjes së parave, bënë qe Naomi Noe, themeluese dhe drejtuese e kompanisë së prodhimit të ëmbëlsirave “Better Batter”, të kërkonte më shumë shkurtime shpenzimesh, duke përfshirë kafetë dhe sigurimin shëndetësor. Ajo mblodhi të punësuarit e saj, u tregoi atyre gjendjen e financave, dhe i ftoi të zgjidhnin çfarë donin që bënin në të ardhmen. Kur ajo kishte nevojë të zvogëlonte sërish shpenzimet, duke përgjysmuar pagat, Poe i shpjegoi secilit prej 5 të punësuarve të kompanisë, sesa të ardhura ai ose ajo duhe të siguronin për të përmbushur detyrimet. “Unë pyeta njerëzit:Nëse juve nuk ju tërheq kjo ide, cila do të ishte zgjidhja juaj?”-thotë ajo. Në fund, ajo vendosi të reduktojë ndjeshëm pagën e vet. Ky veprim, i mundësoi asaj të mbajë të gjithë të punësuarit, duke paguar në “aspektin e besnikërisë dhe produktivitetit”.
2. Pranoni goditjet e pashmangshme
Kur themeluesi i “EmpoweringParents.com” dhe drejtori “Legacy Publishing”, Steve Anderson, ndryshoi modelin e tij të biznesit, ai e pa të nevojshme të përgjysmonte stafin e kompanisë së tij. Kështu, pas shpalljes, ai la të fluturojnë grushtat (sigurisht në mënyrë metaforike). U angazhua me punonjësit, të cilët e sfiduan modelin e ri të biznesit, dhe në disa raste, ai ndau me ta informacion shtesë, për t’i ndihmuar nëpunësit të shohin panoramën e madhe. Ndonjëherë, ai vetëm dëgjonte, duke pranuar se jo të gjithë donin një shpjegim. “Ju nuk do të donit të nxirrnit jashtë njerëz, që janë të zemëruar dhe të pakënaqur”- thotë Anderson. Pasi jeni shpjeguar, krijimi i hapësirës për ankesat, është një veprim i zgjuar. “Njerëzit duan shihen dhe dëgjohen:kjo mund të gjenerojë një rrugë të gjatë në ruajtjen e besimit. Ju s’keni përse të keni të gjitha përgjigjet”-thotë Buelow.
3. Zbusni situatën dhe kërkoni falje
Si themeluese e platformës së marrëdhënieve publike të automatizimuara “Crowdbuilder”, Xhoi Shofler u mërzit kur e kuptoi se duhej të pushonte nga puna një mikeshen e saj, të cilin ajo e kishte punësuar për të udhëhequr disa projekte. “Nuk kisha nevojë për të, për rolin që e kisha punësuar fillimisht”- thotë Shofler. Ajo bëri gjithçka që mundi për t’ia lehtësuar dhimbjen, duke e njoftuar paraprakisht mikeshën e saj, dhe duke i shpjeguar se nuk ishte faji i kësaj të fundit. Nërkohë Shofler pagoi edhe koston e prishjes së parakoshme të kontratës. Sot miqësia mes të dyjave nuk është aq e ngushtë sa më parë, por Shofler beson se bëri gjithçka që mundi. ”Të arrish të kuptosh çfarë mund dhe çfarë s’mund të kesh nën kontroll, është jetike”-thotë Buelow. Ju do dëshironit të ishit “të ndjeshëm e të kujdesshëm, por pa marrë përgjegjësinë për reagimin e personit tjetër”.
4. Bëni një analizë kosto-përfitim
Zgjedhja e punës mbi ngjarjet e rëndësishmë në familjen dhe shoqërinë tuaj, mund t’iu mësojmë të fitoni titullin “trapi më i madh”. Mësoni të bëni një analizë kosto-përfitim:Disa ngjarje janë shumë të rëndësishme për t’u humbur. “Identifikohuni dhe merrni pjesë në to- thotë Shalard-pa marrë parasysh çfarë do të ndodhë më tej”. Kur realisht nuk mundeni, mos u fshihni nga zhgënjim që keni shkaktuar tek të tjerët. Agustina Sartori, bashkë-themeluese e “GlamST”, një sallon virtual kozmetike, kishte humbur dasmën e një miku në vendlindjen e saj në Uruguaj, për shkak të rëndësishme që kompania kishte në Silicon Valley. Ajo i shpjegoi mikut të saj sa jetike ishin ato takime, dhe ajo komunikoi me të në Skype gjatë përgatitjeve për dasmën. Miku ishte ende i mërzitur. Por me kalimin e kohës, miqtë kanë parë përkushtimin e Sartorit ndaj biznesin të saj, dhe gjërat po shkojnë më mirë. “Ata nuk pajtohen me mua, por dalëngadalë, po arrijnë që të më kuptojnë”- thotë ajo./Inc/
www.bota.al
