Home»Motivuese»Mamaja është mikja më e mirë që ke. Ja dhjetë sinjale për ta kuptuar

Mamaja është mikja më e mirë që ke. Ja dhjetë sinjale për ta kuptuar

Dashuri, respekt, durim, mirësi. Lidhja midis nënës dhe vajzës është diçka e mrekullueshme, unike dhe e sinqertë. Nënat janë heroinat tona, ato janë gjithmonë aty për ne, 7 ditë në javë, 24 orë në ditë. Nëse ato janë edhe miket tona, mund të jenë “më të mirat” dhe asgjë dhe askush nuk mund ta ndryshojë këtë.

Ajo beson tek ju dhe ndonjëherë e bën edhe më shumë sesa ju. Eshtë tifozja juaj numër një. Pavarësisht asaj që ju bëni në jetën tuaj, ajo gjithmonë do të jetë aty për t’ju mbështetur dhe për të zgjidhur dyshimet tuaja.

Kur keni nevojë për këshilla ose keni dyshime, nëna juaj është gjithmonë e gatshme t’ju japë mendimin e saj të ndershëm. Dhe e anasjellta. Ju mund t’i besoni njëra-tjetrës.

Një nënë dëshiron më të mirën për fëmijët e saj, kështu që ajo gjithmonë do të thotë të vërtetën, edhe nëse ndonjëherë mund të jetë e pakëndshme.

Kur ju ndodh diçka e këndshme, ju menjëherë dëshironi t’ua tregoni miqve ose familjes tuaj, por personi i parë që ju telefononi është gjithmonë ajo: nëna juaj.

Të gjithë ne përjetojmë momente të vështira dhe është pikërisht kur përballesh me një periudhë të ngjashme që nëna jote të jep edhe më shumë dashuri, duke ju mësuar përsëri të doni dhe të kujdeseni për mendjen tuaj.

Pavarësisht sa vjeç jeni, nëna juaj gjithmonë do të kujdeset për ju dhe do të shqetësohet për ju, duke ju dërguar mesazhe ose duke ju telefonuar disa herë në ditë, vetëm për të ditur nëse jeni në rregull.

Kur diskutoni gjithmonë ajo përpiqet të kuptojë mendimin tuaj dhe ta respektojë atë, edhe nëse është i ndryshëm nga i saji.

Ju kënaqeni duke qenë së bashku dhe duke kaluar kohë larg shtëpisë për t’u argëtuar, madje edhe me miqtë tuaj.

Edhe nëse jetoni larg ose jeni jashtë për punë, nëna juaj është gjithmonë atje për ju. Mund ta telefononi atë edhe vonë natën ose në një ditë të ngarkuar, por ajo gjithmonë do të gjejë kohë për ju dhe t’ju ndihmojë në rast nevoje.

Me kalimin e viteve mësoni ta njihni veten më mirë, kjo do t’ju bëjë të jeni më të bashkuar dhe lidhja juaj do të jetë edhe më e çmuar. / meb.al

Nuk ka komente

Vendos komentin tend

Your email address will not be published. Required fields are marked *