Home»Lifestyle»Shendeti»Intoleranca ndaj glutenit. Këto janë simptomat më të shpeshta

Intoleranca ndaj glutenit. Këto janë simptomat më të shpeshta

  1. Ankthi dhe depresioni.

Njerëz të tillë ankohen se vuajnë nga ankthi dhe depresioni, ndërsa fëmijët mund të shihen të shqetësuar dhe nervozë. Nuk është e thënë se shkak i tyre të jetë vetëm gluteni, por është një nga shkaqet që duhet marrë parasysh, nëse përjashtohen shkaqet e tjerë.

  1. Probleme me tretjen.

Problemet me tretjen janë ndër më të shpeshtët në rastin e intolerancës ndaj glutenit, sidomos diarreja, konstipacioni, gazrat dhe fryrja e barkut. Diarreja është simptoma më e shpeshtë në këtë rast, ndaj duhet ta merrni parasysh të bëni një vizitë tek një mjek specialist, nëse diarreja persiston.

  1. Mungesa e përqendrimit.

Nuk është e thënë të jetë shkak intoleranca apo alergjia ndaj glutenit, por mungesa e përqendrimit dhe sidomos dëmtimet në kujtesën afatshkurtër janë simptoma që vihen re rëndom në alergjinë ndaj glutenit dhe duhen marrë parasysh nëse ju shfaqen pas konsumimit të produkteve me gluten.

  1. Skuqjet e lëkurës.

Dermatiti herpetiform është më i shpeshti në një alergji të tillë, i cili shfaqet me skuqje dhe të kruara të shprehura të lëkurës. Por edhe keratoza pilaris vihet re dhe paraqitet veç këtyre simptomave edhe me rrëqethje në lëkurë, për pasojë lëkura e pacientit duket si lëkura e pulës.

  1. Dhimbjet e kokës.

Problemet e tretjes shoqërohen edhe me dhimbje koke. Janë të paktë pacientët që e paraqesin këtë simptomë, dhe sidomos ata që vuajnë prej migrenës. Tek pacientë të tillë dhimbja e kokës bëhet më e fortë dhe padyshim duhet të bëjnë një vizitë për të marrë këshillat e duhura mbi eliminimin e glutenit nga dieta ushqimore.

 

Nuk ka komente

Vendos komentin tend

Your email address will not be published. Required fields are marked *