Home»Keshilla»Këtë vit, ji edhe pak egoist/e. Të mendosh për veten nuk bën asnjëherë keq.

Këtë vit, ji edhe pak egoist/e. Të mendosh për veten nuk bën asnjëherë keq.

  1. Fli dhe qetësohu kur ndihesh e lodhur, në vend që të presësh mesazhin e dikujt që e di se mundet edhe të mos shkruajë.
    2. Vish gjërat që të bëjnë të ndihesh mirë dhe e lumtur, në vend të atyre që u pëlqejnë të tjerëve të t’i shohin veshur.
    3. Shko në palestër dhe vendosi vetes objektiva të reja, sepse kjo do të të bëjë të ndihesh mirë.
    4. Ulu vetëm në kafenenë apo pastiçerinë tënde të preferuar dhe mos prit dikë të të ftojë aty.
    5. Fike telefonin, merr një gotë çaji dhe dil të shohësh perëndimin e bukur të diellit.
    6. Mos e telefono atë që të ka injoruar për tërë javën, sepse nëse të tregojnë që janë shumë të zënë e nuk kanë kohë për ty, duhet që edhe ti të tregosh se je e zënë për ta.
    7. Pi një kafe dhe lexo librat e tu të preferuar mbuluar me një batanije a jorgan të ngrohtë.
    8. Vlerëso çdo ditë jete që të falet dhe ji falenderuese për çdo gjë.
    9. Bëj ato gjëra që të bëjnë ty të lumtur, jo ato që i bëjnë të tjerët të lumtur.
    10. Luaj me qenushin tënd të dashur, vrapo, shkruaj, pi kafe, fli nën një batanije të ngrohtë, shtrihu në rërë etj.

Ti meriton gjithçka. Bëje këtë vit vitin tënd. Mjaft mendove të kënaqësh të tjerët dhe nis të kënaqësh veten tënde. Le të jetë ky viti kur ti të mësosh se çfarë do të thotë të jesh e lumtur pa kushte. Ji egoiste, mendo për veten, bëje veten tënde të lumtur. Nëse ne nuk jemi të lumtur me veten, nuk kemi si t’i bëjmë të lumtur të tjerët. Nëse ne nuk e duam mjaftueshëm veten, nuk kemi se  si t’i duam të tjerët rreth nesh, ndaj jini pak egoiste, por gjithmonë me limite. Pa kaluar asnjëherë në ekstreme, në të cilat egoizmi do të kthehej në një cilësi të karakterit tuaj që do i bënte personat tuaj të dashur të largoheshin prej jush… / Bota.al

Nuk ka komente

Vendos komentin tend

Your email address will not be published. Required fields are marked *