Home»Bota»Kalifornia, pamje apokaliptike. Zjarret pranë Los Angelesit (Fotografitë)

Kalifornia, pamje apokaliptike. Zjarret pranë Los Angelesit (Fotografitë)

Era nuk zbutet dhe Kalifornia jugore vazhdon të digjet. Janë tashmë 230 mijë njerëz që janë detyruar të largohen nga shtëpitë e tyre, mijëra hektarë tokë në flakë, qindra shtëpi të djegura dhe të shkatërruara. Nga periferitë jugore të Los Anxhelosit në San Diego, qyteti i madh në kufi me Meksikën, flakët po përparojnë dhe retë e tymit mund të shihen milje larg. Ka fusha të shkatërruara dhe forca e erës – që agjencia kaliforniane për luftën kundër zjarreve e ka kualifikuar me forcën 1 (më e ulëta në shkallën me të cilën klasifikohen uraganet) – arriti dje edhe 120 kilometra në orë. Tani frika më e madhe është se zjarret mund të godasin në Los Anxhelos, zyrat e qendrës dhe lagjet rezidenciale rreth Hollivudit dhe kodrat që zbresin në Santa Monica. Deri më tani, rajoni më i prekur është ai i Venturës, pak kilometra në veri të “Qytetit të Engjëjve”, ku mbi njëqind mijë vetave u është dashur të largohen nga shtëpitë, dyqanet, zyrat dhe madje edhe nga një qendër pritëse e përgatitur për t’u marrë me situatën. Temperaturat e larta të këtyre ditëve (në Los Angeles edhe dje termometri regjistronte rreth 25 gradë) krijojnë kushte që autoritetet e Kalifornisë i kanë përcaktuar si “jashtëzakonisht të rrezikshme”. Presidenti Trump shpalli gjendjen e jashtëzakonshme, ndarjen e fondeve të ndihmës federale, pas një kërkese nga guvernatori i shtetit Jerry Broun. / Bota.al

Nuk ka komente

Vendos komentin tend

Your email address will not be published. Required fields are marked *