Home»Magazine»Jeta e pabesueshme e George Sorosit, miliarderit legjendar që të gjithë e bëjnë përgjegjës për hallet që kanë

Jeta e pabesueshme e George Sorosit, miliarderit legjendar që të gjithë e bëjnë përgjegjës për hallet që kanë

George Soros, një investitor miliarder, pasuria neto e të cilit është vlerësuar 25 miliard dollarë, ka qenë një prej kritikëve më të fortë të Presidentit aktual të SHBA, Donald Trump.

Biografia e tij është e pabesueshme.

Soros ishte një refugjat hebre, i cili në adoleshencë, i shpëtoi për një fije persekutimeve naziste, dhe sot është një filantrop që mbështet kauzën e refugjatëve dhe një rend botëror liberal.

Për ata që janë të interesuar kryesisht tek tregjet, Soros njihet më mirë për karrierën e tij të gjatë dhe të spikatur si investitor, i njohur edhe si “njeriu që shkatërroi Bankën e Anglisë”.

Më poshtë, disa fakte interesante mbi jetën e George Sorosit, të mbledhura nga karriera e tij si investitor dhe angazhimet e tij filantropike:

Kur ishte adoleshent hebre në Hungari në vitet 1944-45, Soros dhe familja e tij i mbijetuan okupimit nazist duke përdorur dokumenta false identiteti, të përgatitura nga babai i tyre.

Më pas, ai iku nga Hungaria në Angli dhe studioi filozofi në London Schoool of Economics, me Karl Popperin, ndërkohë që punonte si portier në stacion dhe kamarier në klubet e natës.

Pas diplomimit, Soros i shkroi çdo drejtori të përgjithshëm në çdo bankë tregtare në Londër duke kërkuar një intervistë, por mori vetëm një ose dy përgjigje.

Soros e përshkruan këtë periudhë si “pikën më të ulët” të jetës së tij, për mënyrën se si u poshtërua gjatë intervistave të punës. Ai duhej të pranonte një punë si shitës, nga një grosist produktesh dekorative.

Më në fund u punësua nga “Singer & Friedlander”, një bankë tregtare në Londër, si punonjës. Soros thotë se Singer e punësoi, për shkak se drejtori i saj ishte hungarez.

Soros u transferua në Nju Jork në vitin 1950 për të punuar për F.M. Mayer. Vite më vonë, në vitin 1970, pasi kishte punuar si analist dhe tregtar në kompani të ndryshme, ai themeloi Soros Fund Management.

Jim Rogers (në foto poshtë) dhe Stanley Druckenmiller punuan për të në Soros Fund Management. Vazhduan, deri sa u bënë edhe ata investitorë legjendarë.

Soros raportoi se fitoi 1 miliardë dollarë në 24 orë më 16 shtator 1992, falë spekulimeve që detyruan Bankën e Anglisë të zhvleftësojë sterlinën.

Për 41 vjet, midis 1969 dhe 2009, Soros ka kapitalizuar investimet e tij me një normë prej 26.3% – një investim prej $ 10,000 do të shndërrohej në $ 143.7 milionë …

… Një kthim mbi investimin, më  madh se ai i Warren Buffett, 21.4% gjatë të njëjtës periudhë – një investim prej 10.000 $ do të shndërrohej në 28.4 milionë dollarë.

Soros përdori formimin e tij akademik në filozofi për të zhvilluar “teorinë e refleksivitetit” të tij në tregje, që ai e konsideron si arritja më e rëndësishme e jetës së tij.

Soros ka siguruar 50 milionë dollarë për Institutin e Mendimit të Ri Ekonomik, i cili ka për qëllim “të sjellë një mënyrë të re të menduari në ekonomi”, pas krizës financiare të vitit 2008.

Në vitet e fundit, Soros ka kthyer vëmendjen ndaj filantropisë në favor të refugjatëve dhe në promovimin e një “shoqërie të hapur” në mbarë botën.

Soros u kthye në ndërmjetësimin financiar në vitin 2016, duke qenë se pritej që rritja e pasigurisë politike do të ofronte më shumë shanse fitimi në tregje.

Por gjërat nuk shkuan mirë duke qenë se humbi një miliardë dollarë, pas befasisë së zgjedhjeve amerikane.

Soros shkruajti se Shtetet e Bashkuara kanë “zgjedhur një artist të mashtrimit dhe një aspirant për diktator si president”. Ai kishte paralajmëruar më parë miqtë e tij duke thënë “këto kohë nuk janë si zakonisht”. / Marrë nga Business Insider. Shqipërimi dhe titulli janë të bota.al

* Në respekt të punës së personave që kanë punuar për ta sjellë në shqip këtë material, Bota.al lutet që të MOS KOPJOHET!

1 Comment

  1. 15/11/2017 at 09:46 — Reply

    Po ju na e beni filantropmky eshte nje plere bashke me ate shoqerine e hapur ,qe eshte pergjegjes per varferimin dhe shkateriimin e gjithe popujve te varfer sia ai shqiptar e gjetke ai me projektet e tij ka shume fishuar fitimet nepermjet mashtrimit,kapjes se pushteteve duke financuar politikane te rijn e te vjeter ,gazetar media dhe shiqeri civilemte gjitha keto i ka pas dhe i ka mmarioneta ne duart e tij dhe i leviz sipas interesit te tij!
    Nje ga ato jeni dhe ju te ketij portali.
    Kuptove zotrote fuck you!

Vendos komentin tend

Your email address will not be published. Required fields are marked *