Home»Teknologji»Probleme me frenat, “Tesla” tërheq 53 mijë makina nga tregu

Probleme me frenat, “Tesla” tërheq 53 mijë makina nga tregu

Tesla ka bërë një tërheqje të vullnetshme globale për disa nga makinat e Modelit S dhe Modelit X për të rregulluar një problem me frenat e dorës.

Prodhuesi i makinave elektrike tha se rreth 2% e 53,000 automjeteve të ndërtuara nga shkurti deri në tetor 2016 janë të prekura, por të gjitha ato makina janë duke u tërhequr.

Kompania shtoi se nuk kishte raporte për aksidente apo lëndime që lidhen me çështjen e frenimit.

Në bursën amerikane, aksionet e Teslas u ulën me 1%, tashmë në 302.51 dollarë.

Në një deklaratë kompania tha se frenat e parkimit elektrik të instaluara në Modelin S dhe Modelin X “mund të përmbajnë një veshje të vogël, që mund të jetë prodhuar në mënyrë të parregullt nga furnizuesi, që është një palë e tretë”.

Nëse do të thyhej pajisja, frena e dorës do të vazhdonte të mbante makinën pa lëvizur, por vetë frena e dorës do të ngecte, thuhet në deklaratë.

Kompania do të dërgojë një njoftim zyrtar si kujtesë klientëve, me informacion se si mund të zëvendësohen frenat e dorës. /bota.al

Nuk ka komente

Vendos komentin tend

Your email address will not be published. Required fields are marked *